«Táýelsizdik - qasterli uǵym! Bizdiń elimiz úshin egemendiktiń quny erekshe qymbat. Táýelsizdik - ata – babamyzdyń armany, san ǵasyrlar boıǵy halqymyzdyń kórgen qıyndyǵynyń, azabynyń óteýi. Búgingi urpaqqa keń baıtaq dalamyz, aıdyn kólderimiz, kók ormandarymyz, asqar taýlarymyz mıras boldy. Táýelsiz memleketimizdiń irgesin kóterýge, elimizdiń tynyshtyǵyn saqtap, zor úles qosqan Elbasymyz Nursultan Nazarbaev: «Bul kún – urpaqtardyń uly armany oryndalǵan ordaly toıy, mereıli de mártebeli merekesi. Táýelsizdik – halyqtyń jalǵyz baqyty. Táýelsizdik pen teńdik, azattyq pen eldik qaı halyq úshin de dámi baldaı, mártebesi taýdaı asyl uǵymdar bolyp sanalady. Myńjyldyqtar toǵysar tusta táýelsizdik tańyn kórý baqyty búgingi qazaqstandyqtardyń mańdaıyna jazyldy», dedi ataqty kınoaktrısa quttyqtaý sózinde.
Saltanatty jıynda jerlesimizdiń Qazaqstannyń eńbek sińirgen qaıratkeri ataǵyna ıe bolyp, joǵary marapatty Elbasynyń qolynan alǵany erekshe atap ótildi. Oblys ákimi Qumar Aqsaqalov Qazaqstannyń ataǵyn tórtkúl dúnıege tanytqan Samalǵa gúl shoǵyn tabys etti.
Qazaqstandyq juldyzdary men oblystyń shyǵarmashylyq ujymdarynyń qatysýymenótken merekelik konsertte Samal Eslámova belgili sportshy Margarıta Mýkashevamen qosylyp Abaıdyń «Jelsiz túnde jaryq aı» ánin tamyljyta shyrqady.
О́mir ESQALI,
«Egemen Qazaqstan»
Soltústik Qazaqstan oblysy
